Numbers 34

¹ God tell Moses

² make he tell people of Israel say their land for Canaan go get borders wey follow:

³ The southern border go be Zin Desert and northwest part of Edom. This border go start for south end of the Dead Sea.

⁴ E go come go west from there, but e go turn south to include Scorpion Pass, village of Zin, and town of Kadesh-Barnea. Na from there the border go continue go Hazar-Adar and to Azmon,

⁵ where e go run go valley for Egypt and end for Mediterranean Sea.

⁶ The Southern border go be Mediterranean Sea.

⁷ The northern border go start for Mediterranean, then continue go east to Mount Hor.

⁸ After that, e go run to Lebo-Hamath and cross to Zedad, wey be northern edge of una land.

⁹ From Zedad, the border go continue east go Ziphron and end for Hazar-Enan.

¹⁰ The eastern border go begin for Hazer-Enan in the north, then run south go Shepham,

¹¹ and continue down go Riblah for east side of Ain. From there, e go come go south to the eastern hills of Lake Galilee,

¹² then e go come follow Jordan River down go north end of Dead Sea. The land wey dey inside those four borders go be una own.

¹³ Moses come tell the people say, “Una go receive the land inside these borders. E go be una own, but God don command una say make una share am among the nine and half tribes.

¹⁴ Tribes of Reuben, Gad, and East Manasseh don already get their own land

¹⁵ from across Jericho, east of Jordan River.”

¹⁶ God tell Moses say,

¹⁷ “Na Eleazar the priest and Joshua son of Nun go divide the land for Israelites.

¹⁸ One leader from each tribe go help them,

19-28 and na list of their names be this: Caleb son of Jephunneh from Judah, Shemuel son of Ammihud from Simeon, Eliad son of Chislon from Benjamin, Bukki son of Jogli from Dan, Hanniel son of Ephod from Manasseh, Kemuel son of Shiphtan from Ephraim, Elizaphan son of Parnach from Zebulun, Paltiel son of Azzan from Issachar, Ahihud son of Shelomi from Asher, and Pedahel son of Ammihud from Naphtali.”

²⁹ Na the men wey God command say make dem help Eleazar and Joshua share the land for the Israelites be these.