Numbers 27

¹ Zelophephad come from Manasseh tribe, and he get five daughters, and their name na, Mahlah, Noah, Hoglah, Milcah, and Tirzah.

² One day, him daughters go front of holy tent, where dem meet Moses, Eleazar, and some other leaders for Israel, with plenty crowd of Israelites. Dem say:

³ “Una know say our father die for desert. But na for him own sin, no be say he join Korah rebel against God. Our father no get son

⁴ to carry him family name. But why una want make him name die for that reason? Give us some land like the rest of him relatives for our clan, so that our father name no go die.

⁵ Moses ask God wetin he go do,

⁶ and God answer say:

⁷ Na true Zelophephad daughter dey talk. You suppose give each of them, the land wey their father suppose get.

⁸ Tell the Israelites say when a man wey no get son die, make him daughter take him land.

⁹ If he no get daughter, him father brother go take the land.

¹⁰ But if he no get brother, make him father take the land.

¹¹ And if him father no get brother, make una give the land to him relative wey close pass for the clan. Na my law be this, and Israelites must obey am.

¹² God tell Moses say, “One day, you go go on top Abarim Mountains, and from there you go see the land wey I dey give Israelites.

¹³ After you don see am, you go die, just like Aaron your brother,

¹⁴ because both of una disobey me for Meribah near Kadesh town for Zin Desert. When Israelites insult me for there, una no believe in my holy power.”

¹⁵ Moses reply say,

¹⁶ “You be the LORD God, and you know wetin dey every person heart. So I dey ask you make you appoint leader for Israel.

¹⁷ Your people need person wey go lead them go battle, or else dem go be like sheep wey no get shepherd.”

¹⁸ God answer say, “Joshua, son of Nun fit do the job. Put your hand on him to show say na him go take your place.

¹⁹ Then, make you go with him and tell him make he stand for front of Eleazar the priest and the the Israelites. Make Joshua their new leader

²⁰ and tell them make dem dey obey him, just as dem obey you.

²¹ But Joshua must depend on Eleazar to find out from me wetin I want make he do as he dey lead Israel go battle.

²² Moses obey God and take Joshua to Eleazar and the people,

²³ then he put him hand on Joshua and make him Israel leader.