Numbers 25

¹ When Israelites camp still dey for Valley of Acacia, the men begin dey have sex with the Moabite women wey dey there.

² The women invite them go sacrificial feast, where dem dey worship the Moab god. The Israelites eat the food and worship the god

³ Baal of Peor. Naso God begin dey vex with them

⁴ and tell Moses say, “Take the Israelites leaders wey dey responsible for this and kill them for front of my Holy Tent where everyone go fit see am. By then I go stop to dey vex with the Israelites.”

⁵ Moses tell Israel officials say, “Make each of una kill any of una men wey worship Baal of Peor.”

⁶ Later, Moses and the people dey for holy tent dey cry, naso one Israelite man bring one Midianite woman to come meet him family.

⁷ Phinehas, grandson of Aaron the priest see the couple and leave the crowd. He find a spear

⁸ and follow the man enter him tent, and na their he kill the man and the woman with the spear. Immediately, God stop to dey punish Israel with deadly disease,

⁹ but 24,000 Israelites don die already.

¹⁰ God tell Moses say,

¹¹ “Because of wetin Phinehas don do, I no dey vex with people of Israel again. He no allow the worship of any other god but me, and that na why I no destroy una in my anger.

¹² So tell him say I dey make a covenant with him wey go dey valid for all time to come.

¹³ Him and him descendants go always be my priest, because he no allow me get any rival, And na him bring forgiveness for the people sin.”

¹⁴ The name of Israelite man wey die with the Midianite woman na Zimri son of Salu, and he be family head for Simeon tribe.

¹⁵ And the Midianite woman name na Cozbi, daughter of Zur, Midianite clan leader.

¹⁶ God command Moses say,

¹⁷ Attack the Midianites and destroy them,

¹⁸ because of the evil wey dem do to una when dem deceive una for Peor, and because of Cozbi, wey die for time of terrible disease at Peor.”