Nigerian Pidgin Bible
Numbers 24
1 Balaam dey sure say God go ask him make he bless Israel again. He no bother use magic find wetin God want make he do, as he don do for other times. Instead, he begin dey go toward the desert
2 and see tribes of Israel where dem camp. Naso spirit of God begin dey control him,
3 and Balaam say: I be son of Beor, and my words na truth, so make you hear my message!
4 Na from the Lord, God Almoghty e come from. I bow down to him and see a vision of Israel.
5 People of Israel, una camp beautiful.
6 E be like long row of palm tree, or garden wey dey river side. Like long aloes wey God plant, or cedar wey dey grow near water.
7 Una and una descendant go prosper like orchard wey dey beside stream. Una king go rule with power and become greater king pass Agag the Amalekite.
8 Na God bring una out of Egypt, like strength of wild bull. Una go defeat una enemies, shoot them with arrows, and crush their bones.
9 The nation be like mighty lion; when e dey sleep, no one fit try wake am. Anyone wey bless Israel go receive blessing and anyone wey curse them go receive curse.
10 As Balak hear this, he begin dey vex and tell Balaam say, I call you come here make you come curse my enemies, but for three times now you don bless them instead.
11 Now, begin dey go home! I promise say I go reward you before, but God no allow you get the reward.
12 Balaam come answer say, I tell the messenger wey you send to me say
13 even if you pack all the silver and gold wey dey your palace for me, I no fit disobey God by doing anything myself. Na only wetin God tell me I go talk.
14 Balaam tell Balak say, Now I dey go back to my own people, but before I go, I dey warn you about wetin people of Israel go do to your people for future.
15 I be son of Beor and my words na truth, so make you listen to my message!
16 My knowledge dey come from God Most High, the LORD Almighty. I bow to him and see a vision of Israel.
17 Wetin I see for my vision never happen yet. But one day, a king of Israel go appear like star. He go wipe out you Moabites, and destroy the tribes wey dey live inside desert.
18 Israel go destroy Edom, and take the land of that enemy nation.
19 The king of Israel go destroy and rule people wey survive for every city wey dey there.
20 And na the vision wey I see about Amalekites be this: their nation dey great now, but a day go come wey e go disappear forever.
21 And na wetin I see about the Kenites be this: Dem think say dem dey safe, as dem dey live for where rocks dey,
22 but Assyria go destroy and wipe them out.
23 If God plan destruction, nobody fit survive am.
24 Ships go come from Cyprus, and e go bring people wey go invade Assyria and Eber land. But dem go also perish forever.
25 After Balaam don finish, he begin dey go home, and Balak leave too.