Nigerian Pidgin Bible
Numbers 2
1 God tell Moses and Aaron say.
2 Make the Israelites build their camps around the Tabernacle Tent. Make each group get their own special flag, and make everyone go camp near their group flag.
3 Make the flag of Judah camp dey for east side, where sun dey rise. People of Judah go camp near their flag. Leader of people of Judah na Nahshon, son of Amminadab.
4 Na 76,400 men dey for him division.
5 Issachar tribe go camp next to Judah tribe. Issachar tribe leader na Nethanel, son of Zuar.
6 Na 54,400 men dey for him division.
7 Zebulun tribe go also camp next to Judah tribe. Zebulun tribe leader na Eliab, son of Helon.
8 Na 57,400 men dey for him division.
9 The total number of men wey dey for Judah camp na 186,400. Dem dey for different tribes. Na Judah be the first group wey go move when the people dey travel from one place to another.
10 Make the flag of Reuben camp dey south of Holy Tent. Make each group camp near their flag. Reuben tribe leader na Elizur, son of Shedeur.
11 Na 46,500 men dey for this division.
12 Make Simeon tribe camp next to Reuben tribe. Simeon tribe leader na Shelumiel, son of Zurishaddai.
13 Na 59,300 men dey for this division.
14 Tribe of Gad go also camp next to Reuben tribe. Tribe of Gad leader na Eliasaph, son of Deuel.
15 Na 45,650 men dey for this division.
16 The total number of men for divisions wey dey Reuben camp na 151,450. Na him cam be the second group wey go move when the people dey travel from one place to another.
17 When the people dey travel, na Levi camp go move next. The Tabernacle Tent go dey with them between other camps. The people go make their camps for the same order dem dey move.
18 Make the flag of Ephraim camp dey for west side. The division of Ephraim go camp for there. Leader of Ephraim tribe na Elishama, son of Ammihud.
19 Na 40,500 men dey for this division.
20 Tribe of Manasseh go camp next to Ephraim family. Leader of Manasseh tribe na Gamaliel, son of Pedahzur.
21 Na 32,200 men dey for this division.
22 Benjamin tribe go also camp next to Ephraim family. Benjamin tribe leader na Abidan, son of Gideoni.
23 Na 35,400 men dey for this division.
24 The total number of men wey dey for Ephraim camp na 108,100. Dem go be third family wey go move when the people dey travel from one place to another.
25 Make the flag of Dan camp dey for north side. Na there tribe of Dan go camp. Leader of Dan tribe na Ahiezer, son of Ammishaddai.
26 Na 62,700 men dey for this division.
27 People from Asher tribe go camp next to Dan tribe. Leader of Asher tribe na Pagiel, son of Ocran.
28 Na 41,500 men dey for this division.
29 Tribe of Naphtali go also camp next to tribe of Dan. Leader of Naphtali tribe na Ahira, son of Enan.
30 Na 53,400 men dey for this division.
31 Na 157,600 men dey for Dan camp in total. Dem go be the last wey go move when the people dey travel from one place to another. Each group go get their own flag.
32 The total number of Israelites wey dem count in division, group by group, na 603,550 people.
33 As God don command Moses, dem no count the Levites with other Israelites.
34 Naso people of Israel do everything wey God don command Moses. Dem camp, each of them under him own banner, and dem march, each of them with him own tribe.