Leviticus 5

¹ Na for this kind situation them dey offer sin offerings: if them call person make he come give evidence for court, and he no talk the thing wey him done see or hear, he go suffer the consequences.

² If person go touch anything wey no dey clean for ritual like animal wey don die, he no dey clean and dey guilty. When he know wetin him don do.

³ When person go touch something wey be human origin wey no dey clean, anything the thing fit be, he dey guilty when he know wetin je do.

⁴ If person make careless vow no matter wetin e dey about, he dey guilty when he know wetin him don do.

⁵ When person dey guilty, make he confess him sin,

⁶ and for penalty of him sin, make he bring female sheep or goat for offering. The priest go offer the sacrifice for the man sin.

⁷ If the man no fit bring sheep or goat, he go bring two doves or two pigeons as payment for him sin to God, one for sin offering and other for burnt offering.

⁸ He go bring am to priest, wey go first offer the bird for sin offering. Make he brake the neck but make the head no remove

⁹ and sprinkle some of the blood for side of altar. The blood wey remain go flow to the altar base. Na offering to take sin away be this.

¹⁰ Then he go offer the second bird for burnt offering according to the way dem dey do am. Na for this way the priest go offer sacrifice for the man sin and he go get forgiveness.

¹¹ If the man no fit bring two doves or pigeons, he go bring one kilogram of flower for sin offering. He no go put any olive oil or incense on am, because na sin offering e be, no be grain offering.

¹² He go bring am to the priest wey go take full hand of am as token say na all of am dem don offer to God, and he go burn am as food offering. Na offering wey go take sin away.

¹³ For this way, the priest go offer sacrifice for the man sin and he go get forgiveness. Na priest get the flower wey remain just as e be for case of grain offering.

¹⁴ God come give Moses these instructions.

¹⁵ If anyone sin, say he no give God the payment wey dey holy when he no know, he go bring male sheep or goat wey no get error for offering to repay God. Na official standard dem go use value am.

¹⁶ He go take the payment wey he don fail to handover and pay additional twenty percent. He go give am to the priest and priest go offer the animal as sacrifice for the man sin and he go get forgiveness.

¹⁷ If anyone brake God command when he no know, he dey guilty and he go pay penalty.

¹⁸ He go bring male sheep or goat as repayment offering. Na official standard them go use value am. The priest go offer the animal as sacrifice for the man sin wey he no know and he go get forgiveness.

¹⁹ Na repayment offering for the sin wey he don commit against God.