Leviticus 4

¹ God command Moses

² make he tell the people of Israel say anybody wey sin or break any of God commandment, and he no know say na sin make he follow the rules.

³ If na high priest sin and put blame on the people, he go bring a young bull wey no get stain and sacrifice am to God for him sins.

⁴ He go bring the bull come entrance of Tabernacle, put him head for the bull head and kill am for there for God's presence.

⁵ Then the priest go take some of the bull's blood and carry am enter the Tent,

⁶ he go put him finger inside the blood and sprinkle am for front of the holy curtain seven times.

⁷ Then he go put some of the blood for projection for front of incense altar inside tenth. He go pour the remaining blood for base of altar wey dem dey use burn sacrifice wey dey for entrance of the tenth.

⁸ From the bull, he go take all the fat, the fat wey cover the internal organs,

⁹ the kidneys and the fat wey dey on them, and best part of the liver.

¹⁰ The priest go take all the fat and burn am on the altar wey dem dey use burn offering, just as he dey do with fat from animal wey dem kill for fellowship offering.

¹¹ But he go take the skin, all the flesh, the head, the leg, and the internal organs with intestine,

¹² carry am outside camp go ritually clean place wey them dey pour out ashes, and he go burn am on the firewood for there.

¹³ If na the whole community of Israel sin and dey guilty of breaking one of God command and them no know,

¹⁴ then when them know say them done sin, the community go bring a young bull for sin offering. Dem go bring am to the Tabernacle Tenth;

¹⁵ the community leaders go put their hands on the bull head and dem go kill am there.

¹⁶ The high priest go take some of the bull's blood and carry am enter the Tent,

¹⁷ put him finger inside am and sprinkle am for front of the holy curtain seven times.

¹⁸ He go put some of the blood on projection for corner of incense altar inside Tent and pour the remaining blood for base of altar wey dem dey use burn sacrifice, wey dey for entrance of the Tent.

¹⁹ Then he go take all the fat and burn am on the altar.

²⁰ He go do same thing wey he dey do with sin offering bull for this bull. And for this way, he go make sacrifice for the people's sin and dem go receive forgiveness.

²¹ Then he go take the bull outside camp and burn am, just as he burn bull wey he offer for him own sin. Na offering to take the community sin away be this.

²² If na ruler sin and dey guilty of breaking one of God commandment when he no know,

²³ then when he know say he don sin, he go bring a male goat wey no get stain for him sin.

²⁴ He go put him hand on top the goat head and kill am for north side of the altar, for where dem dey kill animals for burnt offering. Na offering wey go take away him sin be this.

²⁵ The priest go put him finger inside the animal blood put am for projection wey dey corners of the altar and pour out the one wey remain for base of the altar.

²⁶ Then he go burn all the animal fat on the altar just as he burn animal wey dem use for fellowship offerings. Na for this way the priest go offer sacrifice for sin of the ruler then he go receive forgiveness.

²⁷ If na any of the common people sin and dey guilty of breaking one of God command when he no know,

²⁸ then when he know say he don sin, he go bring a female goat wey no get stain for him sin.

²⁹ He go put him hand on top the goat head and kill am for north side of the altar, for where them dey kill animals for burnt offerings.

³⁰ The priest go put him finger inside the animal blood, put am for projection wey dey corners of the altar, and pour all the one wey remain for base of the altar.

³¹ He go remove all the animal fat just as he dey remove the fat of animals wey dem dey kill for fellowship offering and he go burn am on the altar so that the smell go please God. Na this way the priest go offer sacrifice for the man sin and he go get forgiveness.

³² If a man bring a sheep for sin sacrifice, make e be female wey no get error.

³³ He go put him hand on the animal head and kill am for north side of the altar where them dey kill animal for burnt offering.

³⁴ The priest go put him finger inside the animal blood, put am for projection wey dey corners of the altar and pour out the one wey remain for base of the altar.

³⁵ Then he go remove all the fat just as he do for sheep wey he kill for fellowship offering and he go burn am on the altar with the food offering wey them give to God. Na this way the priest go offer sacrifice for the man sin, and he go get forgiveness.