Judges 4

¹ After Ehud don die, the people of Israel dey sin against God again.

² Naso God allow Jabin defeat them, a Canaanite king wey dey rule for the city of Hazor. The commander of him army na Sisera, wey dey live for Harosheth-of-the-Gentiles.

³ Jabin get 900 iron Chariot, and he dey rule the people of Israel with evil and trouble for twenty years. Then the people of Israel cry out to God for help.

⁴ Now Deborah, the wife of Lappidoth, na prophet, and that time she dey serve as judge for the Israelite.

⁵ She dey always siddon under a certain palm tree between Ramah and Bethel for hill country of Ephraim, and the people of Israel dey go there for her decisions.

⁶ One day she send for Barak son of Abinoam from the city of Kedesh for Naphtali and tell him say, “The LORD, God of Israel, don give you this command: ‘Make you take 10,000 men from the tribes of Naphtali and Zebulun and lead them go Mount Tabor.

⁷ I go bring Sisera, the commander of Jabin army, to come fight againt you for River Kishon. He go get all him chariot and soldiers, but I go give you victory over him.”

⁸ Barak reply say, “I go do am if you go with me, but if no be so, I no go fit do am.”

⁹ She answer say, “Alright, I go follow you, but you no go get any credit for the victory, because God go hand over Sisera to a woman.” Naso Deborah go Kedesh with Barak.

¹⁰ Barak call the tribes of Zebulun and Naphtali to Kedesh, and 10,000 men follow him. Deborah go with him.

¹¹ For now, Heber the Kenite don set up him tent close to Kedesh near the oak tree for Zanannim. He don move away from the other Kenites, the descendants of Hobab, wey be the brother-in-law of Moses.

¹² When Sisera find out say Barak don go Mount Tabor,

¹³ He call him 900 chariots out and all him men, and send them from Harosheth-of-the-Gentiles go River Kishon.

¹⁴ Naso Deborah tell Barak say, “Go! God dey lead you! He don give you victory over Sisera today.” Naso Barak con go down from Mount Tabor with him 10,000 men.

¹⁵ When Barak attack with him army, God con confuse Sisera with all him chariots and men. Sisera come down from him chariot and begin dey run with him leg.

¹⁶ Barak pursue the chariots and the army go Harosheth-of-the-Gentiles, and con kill all the army of Sisera. Even one man no remain.

¹⁷ Sisera run away go tent of Jael, the wife of Heber the Kenite, because king Jabin dey at peace with family of Heber.

¹⁸ Jael go out go meet Sisera and tell him say, “Make you come in, Sir; come my tent. No fear.” Naso he go inside, she hide him behind a curtain.

¹⁹ He tell her say, “Abeg give me water to drink, I dey thirsty.” She con open a leather bag of milk, give him a drink, and hide him again.

²⁰ He con tell her say, “Stand for door of the tent, and if anyone come ask you if someone dey here, tell am say no.”

²¹ Sisera don tire too much wey be say sleep take am. Jael con take hammer and a tent peg, and go meet him quietly, she chook peg enter the side of him head enter ground and kill him.

²² When Barak dey look for Sisera, Jael go meet him outside and tell him say, “Come here! I go show you the man wey you dey find.” Naso he go in with her, and Sisera don die for ground, with the tent peg for him head.

²³ That day God give Israelites victory over Jabin, the Canaanite king.

²⁴ Dem press harder and harder against him until dem destroy him.