Joshua 16

¹ The southern boundary of the land wey dem give Joseph descendants start from Jordan near Jericho, for a point wey dey east of Jericho springs, and e enter the desert. E go from Jericho up to the hill country far reach Bethel.

² From Bethel e go Luz, and continue reach Ataroth Addar, where the Archites live.

³ E con go west to Japhletites area, far reach area of Lower Beth Horon. E continue from there go Gezer and end for Mediterranean Sea.

⁴ Na the descendants of Joseph, tribes of Ephraim and West Manasseh get this land as their own.

⁵ Na the territory of Ephraimite families be this: their border start from Ataroth Addar for east reach Upper Beth Horon,

⁶ and from there reach Mediterranean Sea. Na Michmethath dey their north. East of their border bend go Taanath Shiloh and continue pass east to Janoah.

⁷ E con go down from Janoah to Ataroth and Naarah, e reach Jericho and end for Jordan.

⁸ The border go west from Tappuah take reach stream of Kanah and end for Mediterranean Sea. Na the land wey dem give families of Ephraim tribe be this,

⁹ with some towns and villages wey dey around border of Manasseh, but na Ephraimites dem give am to.

¹⁰ But dem no chase the Canaanites wey dey live for Gezer commot, so the Canaanites continue dey live with the Ephraimites till this day, but dem don force the Canaanites to work as slaves.