Job 8

¹ Bildad from Shuah con answer say:

² How long you go talk like that? Your words na nothing but air.

³ God no dey twist justice; him no dey fail to do wetin dey right.

⁴ Your children fit don sin against God, so him dey punish them as dem deserve.

⁵ But turn now make you beg Almighty God,

⁶ If you dey so honest and pure, then God go come help you and return your household as reward.

⁷ All the wealth wey you don lose go be nothing to wetin God go give you then.

⁸ Ask those wey don old no, find out the truth wey our ancestor learn.

⁹ Our life dey short, we no know anything at all; we dey pass like shadow on top earth.

¹⁰ But make you allow the old wise people teach you; listen to wetin dem wan talk:

¹¹ Grass no fit grow for where water no dey; you no fit see them outside swamp.

¹² If the water dry up, na dem go first dry, and dem go dey too small reach wetin person fit cut and use.

¹³ Those wey no get God be like grass; their hope don go, once dem forget God.

¹⁴ Dem dey trust thread – wey be spider web.

¹⁵ If dem rest on top web, shey e go fit hold them? If dem grab thread, shey e go fit help them stand?

¹⁶ Evil people dey grow like weed for sun, like weed wey dey spread all around garden.

¹⁷ Their root dey wrap round stone and e dey hold every rock well.

¹⁸ But make you pull them up - nobody go know say dem ever dey there.

¹⁹ Yes, na all the joy wey evil people get be that; other dey come take their place.

²⁰ But God no go abandon those wey dey faithful or help evil people.

²¹ Him go allow you laugh and shout again,

²² but him go bring disgrace on those wey hate you, and the house of the wicked go perish.