Jeremiah 28

¹ That same year, in the fifth month of the fourth year wey Zedekiah be king, Hananiah son of Azzur, prophet from town of Gibeon, follow me talk inside Temple. He tell me for the presence of the priest and of people

² say the LORD Almighty, the God of Israel, don talk say: “I don break the power of king of Babylonia

³ Within two years I go bring back all the temple treasure wey king of Nebucadnezzar don take go Babylonia to this place.

⁴ I go also bring back the king of Judah, Jehoiachin son of Jehoiakim, with all the people of Judah wey go foreign country for Babylonia. Yes, I go break the power of king of Babylonia. I, the LORD, don talk.”

⁵ Then for the presences of the priest and of all the people wey dey stand for the Temple, I tell Hananiah say:

⁶ “Wonderful! I hope God go do this! I dey really hope say he go make your prophecy come true and bring back all the Temple treasure and all the people wey Nebuchadnezzar don take away as prisioner from Babylonia.

⁷ But make you listen to wetin I tell you and the people.

⁸ The prophet wey talk long time ago, before my time and your time, prophesy say, war, hunger, and disease go come to plenty nation and powerful kingdoms.

⁹ But the prophet wey prophesy peace go only be recognized as prophet wey God don send truly when that prophet prediction come true.”

¹⁰ Then Hananiah commot the yoke wey dey my neck and break am to pieces,

¹¹ And talk for presence of all the people say: “God don talk say naso he go break the yoke wey King Nebuchadnezzar don put on top the neck of all nation; and he go do this within two years.” Then I leave.

¹² Some time after this God tell me

¹³ Make I go and tell Hananiah say: “God don talk say you fit get power to break a yoke of wood, but he go replace am with iron yoke.

¹⁴ The LORD Almighty, God of Israel, don talk say he go put iron yoke on all these nation and dem go serve king Nebuchadnezzar of Babylonia. God don talk say he go even make wild animal serve king Nebuchadnezzar.”

¹⁵ Then I tell Hannaniah this and add say, “Hear me, Hananiah! God no send you, and you dey make these people believe lie.

¹⁶ And God himself don talk say he go destroy you. Before this year finish you go die because you don tell the people to disobey the LORD.”

¹⁷ And Hananiah die in the seventh month of that same year.