Hosea 5

¹ Make una listen to this, you priests! Make una pay attention, una people of Israel! Listen, una wey belong to royal family! Una suppose dey judge with justice - una judgement go fall on una! Una don become trap for Mizpah, for net wey dem spread on top Mount Tabor,

² Deep pit for Acacia city, and I go punish all of una.

³ I know how Israel be - she no fit hide from me. She never dey faithful before, and her people no dey fit to worship me."

⁴ The evil wey people don do no allow them go back to their God, idols get power over them, and dem no accept God.

⁵ The strong head of people of Israel dey cry out against them. Their sins dey make them stumble and fall, and people of Judah dey fall join them.

⁶ Dem carry their sheep and cattle make dem sacrifice to God, but e no do them any good. Dem no fit find him, because he don leave them.

⁷ Dem no dey faithful to God, their children no belong to him. Now dem go soon destroy together with their land.

⁸ Blow the war trumpet for Gibeah! Sound the alarm for Ramah! Raise cry of war for Bethaven! Go battle, men of Benjamin!

⁹ The day of punishment dey come, and Israel go destroy. This go happen for real, people of Israel!

¹⁰ God talk say, "I dey vex because leaders of Judah don enter Israel and don steal her land. So I go shower punishment on top them like flood.

¹¹ Israel dey suffer oppression, she don lose land wey be her own, because she insist to go get help from those wey no get anything to give.

¹² I go bring destruction on top Israel and I go destroy people of Judah.

¹³ "When Israel see how sick she be and when Judah see her wound, then Israel go Assyria to go ask the great emperor for help, but he no fit cure them or heal their would.

¹⁴ I go attack people of Israel and Judah like lion. I go tear them to pieces myself and then leave them. When I drag them commot, no one go fit save them.

¹⁵ I go abandon my people until dem don suffer enough for their sin and come dey look for me. Yes, for their trouble dem go try hard to find me.