Nigerian Pidgin Bible
Genesis 9
1 God bless Noah and him sons, and He say born plenty children and multiply make people full earth.
2 All animals, birds and fish go begin dey fear you, dem go dey under your control.
3 You fit eat them and you fit eat green plants too.
4 But make you no eat meat wey still get blood inside because na inside blood life dey.
5 If anyone take human life, him go get punishment. I go use death punish any animal wey kill human.
6 If anyone take human life, another person go kill him too.
7 Now start to dey born plenty children, multiply and full earth.
8 God come tell Noah and him sons say,
9 "I dey confirm my covenant with you and your descendants
10 and all animals wey dey with you inside boat and everything wey come out of boat with you.
11 Yes, I dey confirm my covenant with you. Flood no go kill all living things again and flood no go destroy earth again.
12 God come say, I dey give you sign of my convenant with you and all living things for generation to come.
13 I don put rainbow inside cloud for the sign of my convenant with you and all earth.
14 When I send cloud to cover earth and rainbow appear inside am,
15 I go remmember my convenant with every living thing on earth, flood no go destroy life again.
16 When I see rainbow, I go remember the convenant wey dey between me and living thing on earth.
17 God come tell Noah say, Yes, na this rainbow be sign of the covenant wey I dey confirm with all living things on earth.
18 Noah sons wey come out of boat with am na Shem, Ham and Japhet. Ham na Canaan father.
19 Na from Noah son people wey full earth come from.
20 After flood Noah come begin dey farm and he come plant vineyard.
21 One day he come drink from wine wey he make, he con dey drunk and he lie down naked for him tenth.
22 Ham the father of Canaan come see say their father dey naked, he come tell him brothers.
23 Shem and Japhet come take robe and put am for their shoulder and use back walk inside tenth and cover their father so that dem no go see their father nakedness. 24When Noah wake, he come notice wetin him youngest son don do.
25 He curse Canaan say him go be slave to him brothers.
26 And he say praise be to the Lord of Shem, and Canaan go be him servant.
27 God go increase Japhet, him descendants go live with Shem people and Cannan go be slave to Japhet.
28 Noah come live for 250 years after flood.
29 He come die when he reach 950 years.