Ezekiel 15

¹ God speak to me later say.

² Ezekiel, son of man, wetin go happen to wood of grapevine after dey don take the grape? E no be like other tree for forest,

³ because dem no fit use wood of grapevine make anything, even dem no fit use am do small peg take hang something.

⁴ Na only firewood dem fit use am for. But after the end don burn and its middle don burn, dem no fit use am for anything.

⁵ The wood useless before fire catch am, and after fire don catch am, e don dey completely useless.

⁶ I, the Almighty God, promise say as wood of grapevine dey burn as firewood,

⁷ I go punish people of Jerusalem with fire, some of dem don escape one destruction, but dem go be completely burn. And when that happen, you, Ezekiel, go know say I be God.

⁸ I go make their country empty wasteland, because dem never dey loyal to me. I, Almighty God don speak.