Ezekiel 10

¹ I see the bowl wey dey the head of the living creature and something dey above them wey be like throne wey dem make with sapphire.

² God tell the man wey dey wear linen clothes say, "Go between the wheel under the creature and pack plenty hot coal make e full your hand. Then scatter the coal on top the city." I watch him dey go.

³ The creature dey stand for the south of the Temple when he dey go inside, and cloud full the inner courtyard.

⁴ The precious light of God presence rise up from the creature and move go the entrance of the Temple. Then cloud full the Temple and the courtyard dey shine with light.

⁵ The noise wey the wings of the creature dey make loud reach outer courtyard. E dey sound like the voice of Almighty God.

⁶ When God command the man wey dey wear linen clothes say make he take some fire between the wheels wey dey under the creature, the man go inside and stand for one of the wheels side.

⁷ One of the creature put him hand inside fire wey dey among dem, carry some coal, and put them for the hand of the man wey wear linen. The man carry the coal and commot.

⁸ I see say each creature get something wey be like human hand under their wings.

9-

¹⁰ I also see say four wheels dey, wey look alike, one dey beside each creature. The wheel dey shine like precious stone, and each of them get another wheel wey cross am for right angle.

¹¹ When the creature dey move, dem fit go any direction without turning. All of them dey move together in the direction wey dem wan go, and dem no need to dey turn round.

¹² Na eyes cover their body, back, hand, wing, and wheel.

¹³ I hear a voice dey call out say, "Wheel wey dey rotate".

¹⁴ Each creature get four faces. The first one na face of bull, the second face na face of human, third one na face of lion, and fourth one na face of eagle.

¹⁵ (Dem be the same creature wey I don see for River Chebar.) When the creature rise for air,

¹⁶ and move, the wheel dey go with them. Anytime dem spread their wings to fly, the wheel still dey go with them.

¹⁷ When the creature stop, the wheel dey stop; and when the creature fly, the wheel dey fly with them, because na the creature dey control them.

¹⁸ Then the precious light of the presence of God commot for the entrance of the Temple and move go a place on top the creatures.

¹⁹ Dem spread their wings and fly go up from the earth as I dey watch, and the wheels follow dem commot. Dem stop for east gate of the Temple, and the glory of God dey upon them.

²⁰ I know say dem be the same creature wey I don see under the God of Israel for River Chebar.

²¹ Each of them get four faces, four wings, and something wey be like human hand dey under each wing.

²² Their face be like the face wey I don see for River Chebar. Each creature dey go straight.