Exodus 6

¹ The LORD come tell Moses say, "Now you go see wetin I go do the King. I go force him to let my people go. In fact, I go force him to chase them out of him land."

² God tell Moses say, "I am the LORD".

³ I don appear to Abraham, Isaac, and Jacob as Almighty God, but I no show myself to them by my holy name, the LORD.

⁴ I also make covenant with them, and I promise to give them Canaan land, the land wey dem live as foreigners.

⁵ Now, I don hear the complain of Israelites, wey Egyptians don turn slave, and I don remember my covenant.

⁶ So, go tell Israelites I say to them, "I am the LORD; I go rescue una and set una free from Egyptian slavery. I go raise my mighty arm to punish them, and I go save una.

⁷ I go make una my own people, and I go be una God. You go know say I be the LORD, una God when I set una free from Egypt slavery.

⁸ I go bring una to the land wey I don promise to give Abraham, Isaac, and Jacob; and I go give una as property. Na me be God."

⁹ Moses come tell Israelites, but dem no gree listen to him, because wicked slavery don make their spirit weak.

¹⁰ Naso God tell Moses,

¹¹ "Go tell the king of Egypt say make he let Israelites leave him land."

¹² But Moses reply say, "Even Israelites no gree listen to me, so why the king go listen? I be poor speaker."

¹³ God command Moses and Aaron say, "Make una tell Israelites and king of Egypt say I don order both of una to lead Israelites out of Egypt."

¹⁴ Na this be the heads of some family of Jacob: Rueben, wey be Jacob first born, get four sons: Hanoch, Pallu, and Carmi; Na this be Reuben family.

¹⁵ Simeon get six sons: Jemuel, Jamin, Ohad, Jachin, Zohar, and Shaul, son of Canaanite woman; Na them be forefathers of family wey dey bear their names.

¹⁶ Levi get three sons: Gershom, Kohath, and Merari; Na them be forefathers of family wey dey bear their names. Levi live for 137 years.

¹⁷ Gershom get two sons: Libni and Shimei, and dem get plenty descendants.

¹⁸ Kohath get four sons: Amram, Izhar, Hebron, and Uzziel. Kohath live for 133 years.

¹⁹ Merari get two sons: Mahli and Mushi. Na them be the family of Levi with their descendants.

²⁰ Amram marry him Father sister Jochebed, who come born Aaron and Moses for him. Amram live for 137 years.

²¹ Izhar get three sons: Korah, Nepheg, and Zichri.

²² Uzziel too get three sons: Mishael, Elzaphan, and Sithri.

²³ Aaron marry Elisheba, wey be daughter of Amminadab and sister of Nahshon ; she born Nadab, Abihu, Eleazar, and Ithamar.

²⁴ Korah get three son: Assir, Elkanah, and Abiasaph. Na dem be the forefather for family of Korah.

²⁵ Eleazar, Aaron son come marry Putiel daughter, wey born Phinehas for him. Na dem be the family head for tribe of Levi.

²⁶ Na Aaron and Moses God tell say, "Make una lead Israel tribe commot for Egypt."

²⁷ Na both of them go tell the king of Egypt say make he free Israelites.

²⁸ When God follow Moses talk for Egypt,

²⁹ he say, "Na me be the LORD. Tell king of Egypt everything wey I don tell you."

³⁰ But Moses reply say, "You know say I no fit talk well; why the king go listen to me?"