Exodus 38

¹ He come make altar with acacia wood for burning offerings. Na square, 2.2 meters long and 2.2 meters wide and na 1.3 meters high.

² He make projection for the top of the four corners, so that dem form one piece with the altar. He come cover all of am with bronze.

³ He come also make all accessories for the altar: pans, shovels, bowls, hooks, and firepans. Na bronze he use make all the equipment.

⁴ He make bronze grating and put am under rim of the altar, so that e fit reach halfway up the altar.

⁵ He make four rings to dey use carry am and put them for the four corners.

⁶ He make poles to dey use carry am with acacia wood, cover am with bronze,

⁷ and put them in the rings for each side of the altar. Na board he use make the altar and e dey hollow.

⁸ He make bronze basin and bronze stand from the mirrors wey belong to women wey dey serve for entrance of the Tabernacle.

⁹ For the Tabernacle he make the enclosure with fine linen curtains. For south side the curtains na 44 meters long,

¹⁰ the thing wey support am na twenty bronze posts in twenty bases, with hooks and rods wey he make with silver.

¹¹ The enclosure na the same for north side.

¹² For west side curtain wey dey there na 22 meters long, with ten posts and ten bases with hooks and rods wey dem use silver make.

¹³ For east side wey the entrance dey, the enclosure na 22 meters wide.

14-

¹⁵ For each side of the entrance, curtains wey dey there na 6.6 meters, with three posts and three bases.

¹⁶ All curtains wey round the enclosure na fine linen he use.

¹⁷ Na bronze he use make bases of the posts, and covering of tops of posts na silver he use make am. Na silver rod he use connect all posts wey dey around enclosure.

¹⁸ For curtain wey dey entrance of enclosure, he make am with fine linen wey dem weave with blue, purple, and red wool and decorate am with designs. Na 9 meters long and 2 meters high dem be, like curtains wey dey for enclosure.

¹⁹ Dem support am with four post in four bronze bases. Na silver dem use make their hooks, top cover, and their rods.

²⁰ Dem use bronze make all the pegs for the Tent and for surrounding enclosure.

²¹ Na list of amount of metal wey dem use for Tabernacle be this, wey dem keep the stone tablets wey Ten commandments dey. Na Moses order the list, and the person wey make am na the Levites wey work under direction of Ithamar son of Aaron the priest.

²² Bezalel, son of Uri and grandson of Hur, wey come from tribe of Judah make everything wey God don command.

²³ Him helper, Oholiab son of Ahisamach, from tribe of Dan, na engraver, designer, and weaver of linen and blue, purple, and red wool.

²⁴ All gold wey dem don dedicate to God for the holy Tent na one ton, dem measure am according to official standard.

²⁵ The silver wey dem get from community census na 3.43 tons, according to official standard.

²⁶ This amount dey equal to total wey all person wey be part of census pay, each one dey pay amount dem require, dem weigh am according to official standard. Na

603,550 men wey be twenty years old or older enroll for the census.

²⁷ Na 3.4 tons of silver dem use make the hundred bases for the holy Tent and the curtain, each base na 34 kilograms.

²⁸ Bezalel come use the 30 kilograms of silver wey remain make rods, hooks for posts, and tops cover.

²⁹ The bronze wey dem dedicate to God na 2.425 tons.

³⁰ With am he make the bases for entrance of the Tabernacle, the bronze altar with the bronze grating, all equipment for altar,

³¹ the bases wey dey for surrounding enclosure and for enclosure entrance, and all pegs for Tent and surrounding enclosure.