Exodus 27

¹ Make altar with acacia wood. Make e be square, 2.2 meters long, 2.2 meters wide, and make e be 1.3 meters high.

² Make horns for top four corners. Make dem form one piece with the altar, and make una cover them with bronze.

³ Make pans of ashes, and make shovels, bowls, hooks, and fire pans. Make all of them be bronze.

⁴ Make bronze grating and put four bronze rings for the corners to dey use carry am.

⁵ Put the grating for under the rim of altar, so that e go reach the altar halfway up.

⁶ Make poles to dey use carry with acacia wood, use bronze cover them,

⁷ and put them inside the rings for each side of altar when dem dey carry am.

⁸ Make the altar with plank and make una leave am hollow, according to the plan wey I don show una on to mountain.

⁹ For the Tabernacle, make una create courtyard with fine linen curtains. For the south side the curtains go be 44 meters long,

¹⁰ support am with twenty bronze posts for twenty bronze bases, with hooks and rods wey dem make with silver.

¹¹ Make una do same thing for north side of the courtyard.

¹² For west side, make 22 meters long curtains dey there, with ten posts and ten bases.

¹³ For east side wey entrance dey, make the courtyard be 22 meters wide.

13-

¹⁴ For each side of the entrance 6.6 meters of curtain go dey there, with three posts and three bases.

¹⁶ For the entrance make nine meters long curtain wey dem make with fine linen wey dem weave wit blue, purple, and red wool, and decorate am with good design. Make e get four posts in for bases.

¹⁷ All the posts wey round the courtyard go connect with silver rods, and their hook go be silver, and their bases bronze.

¹⁸ The courtyard go be 44 meters long, 22 meters wide, and 2.2 meters high. The curtains go be fine linen and the bases go be bronze.

¹⁹ All the accessories wey dem use in he Tabernacle and all the pegs for the Tabernacle and for the courtyard go be bronze.

²⁰ Command people of Israel make dem bring you best olive oil for the lamp, so that e go fit lit each evening.

²¹ Aaron and him sons go set up the lamp in the Tabernacle outside the curtain wey dey for front of the Covenant Box. Make e dey burn from evening till morning for my presence. Make Israelites and their descendants keep this command for life.