Exodus 15

¹ Moses and Israelites come sing this song to God: "I go sing to God because he don win glorious victory; he don throw horses and their riders inside sea.

² God na my strong defender; na him be the one wey don save me. He be my God, and I go praise him, my father God, and I go sing about him greatness.

³ God na my warrior, Na God be him name.

⁴ "He throw Egypt army and chariots inside sea; the best Egypt officer die inside Red Sea.

⁵ The deep sea cover them; dem sink go down like stone.

⁶ "God, your right-hand dey glorious in power; e break enemies to pieces.

⁷ You overthrow those wey dey rise against you in majestic greatness; your anger blaze out and burn them up like straw.

⁸ The blast of your breath dey make water pile up high; e stand up straight like wall; the deepest part water come become solid.

⁹ The enemy say, "I go pursue and catch them; I go divide their wealth and take all I want; I go draw my sword and everything wey dem get;

¹⁰ But one breath of God, and the Egyptians perish inside water; dem sink like lead for terrible water.

¹¹ "God, who among the gods be like you? Who be like you, wonderful in holiness? Who fit perform miracles and mighty acts like your own?

¹² You stretch your right hand out, and earth swallow our enemies.

¹³ You dey faithful to your promise, and you lead the people wey you don rescue; you dey guide them by your strength to your holy land.

¹⁴ Nations don hear, and dey tremble with fear; terror don grip the Philistines.

¹⁵ The leaders of Edom dey fear; Mighty men of Moab dey tremble; people of Canaan dey loose their courage.

¹⁶ Terror fall on them. Dem see your strength, O LORD, and dem stand helpless with fear until your people don waka past " the people wey you set free from slavery.

¹⁷ You bring them in and plant them on top mountain, the place wey you, God, don choose for your home, the Temple wey you don build yourself.

¹⁸ God, na you go be king for life."

¹⁹ The Israelites waka through the sea on top dry ground. But when Egyptian chariots with their horses and drivers enter the sea, God bring the water back, and e cover them.

²⁰ Prophet Miriam, who be Aaron sister take her tambourine, and other women join to play tambourine and dance.

²¹ Miriam come sing for them: "Sing to God, because he don win glorious victory; he don throw horses and their riders inside sea."

²² Moses come lead the people commot from Red Sea into desert of Shur. Dem waka through the desert for three days, but dem no find water.

²³ Dem come reach a place wey dem dey call Marah, but water wey dey there bitter, dem no fit drink am. Na why dem name am Marah.

²⁴ The people complain to Moses and ask, "Wetin we go drink?"

²⁵ Moses come pray to God, and God show him a piece of wood, wey he throw inside the water; the water come become good and dem fit drink am. Na there God give them laws to dey obey, and he test them.

²⁶ He say, "If una go obey me completely by doing wetin I consider right and you go keep my command, I no go punish una with any of the diseases wey I bring on Egyptians. I be God, the one wey heal una."

²⁷ Dem come reach Elim, the place wey get twelve springs and seventy palm trees; dem come camp for there by the water.