Deuteronomy 34

¹ Later, Moses leave Moab lowlands. He go up to Mount Pisgah take reach top of Mount Nebo, wey dey across Jordan River from Jericho. God show him all the land take reach north of Gilead and Dan town.

² He allow Moses see the territories wey go soon belong to tribe of Naphtali, Ephraim, Manasseh, and Judah, take go west for Mediterranean Sea.

³ God also show him the land for south, from valley wey near Jericho town, wey dem know as The City of Palm Trees, down to town of Zoar.

⁴ God say, "Moses, na the land wey I dey talk of when I promise Abraham, Isaac, and Jacob say I go give land to their descendants be this. I don allow you see am, but you no go cross Jordan and enter am.

⁵ Naso Moses, God servant die for Moab, just as God don talk.

⁶ God bury him for valley near Beth-Peor town, but even today nobody know the exact place.

⁷ Moses Na 120 years old when he die, yet him eyes still dey okay, and him body dey strong.

⁸ People of Israel stay for lowlands of Moab, where dem mourn for 30 days for Moses, as e be the normal thing dem dey do.

⁹ Before Moses die, he don place hand on top Joshua, and God don give him wisdom. The Israelites dey hear wetin Joshua dey talk and dem dey obey the commands wey God don give Moses.

¹⁰ No prophet don ever dey Israel like Moses again. God follow him talk face to face

¹¹ and send him to go perform miracles for presence of Egypt king and all him nation.

¹² Nobody else don ever get the power to do that kind great things as Moses do am make everybody see.