Mark 3 - Listen Online

¹ O si tún wọ̀ inu sinagogu lọ; ọkunrin kan si mbẹ nibẹ̀ ti ọwọ́ rẹ̀ kan rọ.

¹ And he entered again into the synagogue; and there was a man there which had a withered hand.

² Nwọn si nṣọ ọ, bi yio mu u larada li ọjọ isimi; ki nwọn ki o le fi i sùn.

² And they watched him, whether he would heal him on the sabbath day; that they might accuse him.

³ O si wi fun ọkunrin na ti ọwọ́ rẹ̀ rọ pe, Dide, duro larin.

³ And he saith unto the man which had the withered hand, Stand forth.

⁴ O si wi fun wọn pe, O tọ́ lati mã ṣe rere li ọjọ isimi, tabi lati mã ṣe buburu? lati gbà ẹmí là, tabi lati pa a run? nwọn si dakẹ.

⁴ And he saith unto them, Is it lawful to do good on the sabbath days, or to do evil? to save life, or to kill? But they held their peace.

⁵ Nigbati o si fi ibinu wò gbogbo wọn yiká, ti inu rẹ̀ bajẹ nitori lile àiya wọn, o wi fun ọkunrin na pe, Nà ọwọ́ rẹ. O si nà a: ọwọ́ rẹ̀ si pada bọ̀ sipò gẹgẹ bi ekeji.

⁵ And when he had looked round about on them with anger, being grieved for the hardness of their hearts, he saith unto the man, Stretch forth thine hand. And he stretched it out: and his hand was restored whole as the other.

⁶ Awọn Farisi jade lọ lojukanna lati ba awọn ọmọ-ẹhin Herodu gbìmọ pọ̀ si i, bi awọn iba ti ṣe pa a.

⁶ And the Pharisees went forth, and straightway took counsel with the Herodians against him, how they might destroy him.

⁷ Jesu pẹlu awọn ọmọ-ẹhin rẹ̀ si kuro nibẹ̀ lọ si eti okun: ijọ enia pipọ lati Galili ati Judea wá si tọ̀ ọ lẹhin,

⁷ But Jesus withdrew himself with his disciples to the sea: and a great multitude from Galilee followed him, and from Judaea,

⁸ Ati lati Jerusalemu, ati lati Idumea, ati lati oke odò Jordani, ati awọn ti o wà niha Tire on Sidoni, ijọ enia pipọ; nigbati nwọn gbọ́ ohun nla ti o ṣe, nwọn tọ̀ ọ wá.

⁸ And from Jerusalem, and from Idumaea, and from beyond Jordan; and they about Tyre and Sidon, a great multitude, when they had heard what great things he did, came unto him.

⁹ O si wi fun awọn ọmọ-ẹhin rẹ̀ pe, ki nwọn mu ọkọ̀ kekere kan sunmọ on, nitori ijọ enia, ki nwọn ki o má bà bilù u.

⁹ And he spake to his disciples, that a small ship should wait on him because of the multitude, lest they should throng him.

¹⁰ Nitoriti o mu ọ̀pọ enia larada; tobẹ̃ ti nwọn mbì ara wọn lù u lati fi ọwọ́ kàn a, iye awọn ti o li arùn.

¹⁰ For he had healed many; insomuch that they pressed upon him for to touch him, as many as had plagues.

¹¹ Ati awọn ẹmi aimọ́, nigbàkugba ti nwọn ba ri i, nwọn a wolẹ niwaju rẹ̀, nwọn a kigbe soke, wipe, Iwọ li Ọmọ Ọlọrun.

¹¹ And unclean spirits, when they saw him, fell down before him, and cried, saying, Thou art the Son of God.

¹² O si kìlọ fun wọn gidigidi pe, ki nwọn ki o máṣe fi on hàn.

¹² And he straitly charged them that they should not make him known.

¹³ O si gùn ori òke lọ, o si npè ẹnikẹni ti o fẹ sọdọ rẹ̀: nwọn si tọ̀ ọ wá.

¹³ And he goeth up into a mountain, and calleth unto him whom he would: and they came unto him.

¹⁴ O si yàn awọn mejila, ki nwọn ki o le mã gbé ọdọ rẹ̀, ati ki o le ma rán wọn lọ lati wasu,

¹⁴ And he ordained twelve, that they should be with him, and that he might send them forth to preach,

¹⁵ Ati lati li agbara lati wò arunkarun san, ati lati lé awọn ẹmi èṣu jade:

¹⁵ And to have power to heal sicknesses, and to cast out devils:

¹⁶ Simoni ẹniti o si sọ apele rẹ̀ ni Peteru;

¹⁶ And Simon he surnamed Peter;

¹⁷ Ati Jakọbu ọmọ Sebede, ati Johanu arakunrin Jakọbu; o si sọ apele wọn ni Boanerge, eyi ti ijẹ Awọn ọmọ ãrá:

¹⁷ And James the son of Zebedee, and John the brother of James; and he surnamed them Boanerges, which is, The sons of thunder:

¹⁸ Ati Anderu, ati Filippi, ati Bartolomeu, ati Matiu, ati Tomasi, ati Jakọbu ọmọ Alfeu, ati Taddeu, ati Simoni ti a npè ni Selote,

¹⁸ And Andrew, and Philip, and Bartholomew, and Matthew, and Thomas, and James the son of Alphaeus, and Thaddaeus, and Simon the Canaanite,

¹⁹ Ati Judasi Iskariotu, ẹniti o si fi i hàn pẹlu: nwọn si wọ̀ ile kan lọ.

¹⁹ And Judas Iscariot, which also betrayed him: and they went into an house.

²⁰ Ijọ enia si tún wọjọ pọ̀, ani tobẹ̃ ti nwọn ko tilẹ le jẹ onjẹ.

²⁰ And the multitude cometh together again, so that they could not so much as eat bread.

²¹ Nigbati awọn ibatan rẹ̀ si gbọ́ eyini, nwọn jade lọ lati mu u: nitoriti nwọn wipe, Ori rẹ̀ bajẹ.

²¹ And when his friends heard of it, they went out to lay hold on him: for they said, He is beside himself.

²² Awọn akọwe ti o ti Jerusalemu sọkalẹ wá, wipe, O ni Beelsebubu, olori awọn ẹmi èṣu li o si fi nlé awọn ẹmi èṣu jade.

²² And the scribes which came down from Jerusalem said, He hath Beelzebub, and by the prince of the devils casteth he out devils.

²³ O si pè wọn sọdọ rẹ̀, o si fi owe ba wọn sọrọ pe, Satani yio ti ṣe le lé Satani jade?

²³ And he called them unto him, and said unto them in parables, How can Satan cast out Satan?

²⁴ Bi ijọba kan ba si yàpa si ara rẹ̀, ijọba na kì yio le duro.

²⁴ And if a kingdom be divided against itself, that kingdom cannot stand.

²⁵ Bi ile kan ba si yàpa si ara rẹ̀, ile na kì yio le duro.

²⁵ And if a house be divided against itself, that house cannot stand.

²⁶ Bi Satani ba si dide si ara rẹ̀, ti o si yàpa, on kì yio le duro, ṣugbọn yio ni opin.

²⁶ And if Satan rise up against himself, and be divided, he cannot stand, but hath an end.

²⁷ Kò si ẹniti o le wọ̀ ile ọkunrin alagbara kan lọ, ki o si kó o li ẹrù lọ, bikoṣepe o tètekọ dè ọkunrin alagbara na li okùn; nigbana ni yio le kó o li ẹrù ni ile.

²⁷ No man can enter into a strong man's house, and spoil his goods, except he will first bind the strong man; and then he will spoil his house.

²⁸ Lõtọ ni mo wi fun nyin, Gbogbo ẹ̀ṣẹ li a o dari wọn jì awọn ọmọ enia, ati gbogbo ọrọ-odi nipa eyiti nwọn o ma fi sọrọ-odi:

²⁸ Verily I say unto you, All sins shall be forgiven unto the sons of men, and blasphemies wherewith soever they shall blaspheme:

²⁹ Ṣugbọn ẹniti o ba sọrọ-odi si Ẹmi Mimọ́ kì yio ni idariji titi lai, ṣugbọn o wà ninu ewu ẹbi ainipẹkun:

²⁹ But he that shall blaspheme against the Holy Ghost hath never forgiveness, but is in danger of eternal damnation:

³⁰ Nitoriti nwọn wipe, O li ẹmi aimọ́.

³⁰ Because they said, He hath an unclean spirit.

³¹ Nigbana li awọn arakunrin rẹ̀ ati iya rẹ̀ wá, nwọn duro lode, nwọn si ranṣẹ si i, nwọn npè e.

³¹ There came then his brethren and his mother, and, standing without, sent unto him, calling him.

³² Awọn ọ̀pọ enia si joko lọdọ rẹ̀, nwọn si wi fun u pe, Wò o, iya rẹ ati awọn arakunrin rẹ nwá ọ lode.

³² And the multitude sat about him, and they said unto him, Behold, thy mother and thy brethren without seek for thee.

³³ O si da wọn lohùn, wipe, Tani iṣe iya mi, tabi awọn arakunrin mi?

³³ And he answered them, saying, Who is my mother, or my brethren?

³⁴ O si wò gbogbo awọn ti o joko lọdọ rẹ̀ yiká, o si wipe, Wò iya mi ati awọn arakunrin mi:

³⁴ And he looked round about on them which sat about him, and said, Behold my mother and my brethren!

³⁵ Nitori ẹnikẹni ti o ba ṣe ifẹ Ọlọrun, on na li arakunrin mi, ati arabinrin mi, ati iya mi.

³⁵ For whosoever shall do the will of God, the same is my brother, and my sister, and mother.